идет загрузка меню...
Чукотка - прекрасный и суровый край
   Cегодня  22 декабря 2014

- погода -
GISMETEO: Погода по г.Анадырь



- текстовая реклама -


К*ол гитэ галгэглёта энанмайн*авыльэты, аук*аеты...


"К*ол гитэ галгэглёта энанмайн*авыльэты, аук*аеты..." на русском языке

Кэлиткук итыкэвын ванэван йъарат мылвавык, ытръэч вэнлыги, нэкэм к*ол гитэ, галгэглёта амнон*эты, апак*айына к*ачагты галгъатгъон*н*ота. К*элюк*-ым мин*кыри, ванэван амгымнан, этъым мыглёк энанмайн*авыльэты, аук*аеты.

Итыкэвын лыгэн амк*ынк*олеклассэты мэчынкы ныялгытэгым, к*оныры инэнкэлиткувыльэ нивмури, эвыр,ыныкит нытэн*к*инэт отметкат/ оценкат/ ратваркынэн*ыт, еп к*утти калеткома амнон*эты нэрэтрилмык, ыныкит ытлыгэ гэкэн*э нарагтынтык.

К*ол инэнтыгъи ытлыгэ к*ымэглюур Первомайыплыткок энагтыгъэ. Мэткиит нэтрилгым, тэнринн*ын*э, ин*к*ун яврэна тыралгэкытрэваты кэлиткук.

Акватын*н*ок амнон*эты гэкэн*э, мурык рээн вотк*аагты нылк*ытк*инэт кэлиткутумгыт, нэнавалёмэгым вэтгавыльыт, иа*м ыллён ныпылляк*атэгым кэлиткук, э""птэ нэмык*эй нэнъытрилмык амнон*эты.

Рымагтэты.калеткома, к*ынвэр-ым энанкалетковыльэпы эвыр калейпы тычичевын, мин*кы вальын Америка, мин*кыри гатомгатлен, тъэр ынкы Штаттэ, титэ ынн*инрэмкэ нэркурын Аляска/ 1867 гивик, наяан 7 миллионтэ 200 тысячтэ доллартэ/, титэ Аляска штато нъэлгъи /3 январык 1959 гивик/.

Рымагтэты лымынкы калеткома, эвыр мэгчеранма, тычичевык, к*ытлыги, к*эйвэ нъарэчетк*энат социалистатайкатыльыт эвыр капиталистат эмырак*эты.

Итыкэвын гымнан лыги, энмэн к*ръачетгыргын нэрмэк*ин эмырак*эты энаа*тык, ытръэч аны рамкэчема Америкак 1991 гивик тыкэтъон н*инк*эю льоё плакат: «Догоним и перегоним...», чемэр-ым эвын еп н*этку нын*ирэск*ивигым, этааны, ванэван амгымнан.

Ынн*энрамкэпы курык тыкэтъон ынпыначгын, иничгытыльын гымыкагты, энмэн гымнан нэналвавэгым гыюлетык к*аат вэлер н*ан гэтгыёлгыт, кыляйвыянвыт. Нивк*ин гымыкы:

«Тан*ымыльо к*аат тан*амалван* гэлетэ, к*ылгитэн*гитэркынэтамалван* вальыт левтыт, и*нныт, рыгыт, рынныт, гыткат, егыт.»

Нак*ам гымнан гитэтэ, к*ымэглюур тан*ымыльо ыннаны вальыт, этъопэл эвыр гымнан нинэлкылигым кэлильыт, як*ылгыт, элвээкыт, илгыльут эвыр рыннэпы.

К*ынвэр уйн*э вак, нэнамн*ылёк*эн: «Этааны гынан гитэ¬тэ, тан*ымыльо н*эвыск*этти ыннаны вальыт? К*ыгитэркынэт, тан*амалван* вальыт, этъопэл эвыр к*утти гэнаглятленат, нак*ам лыгитэн*Титэк, лыгирэйгуленн*ык,- уйн*э ыннаны вальыт.»

Гымо н*ыркыля итыкэвын лыгэн к*онпы к*аачыкойпы гэлейвыльэтэ, нэкэм к*увликэ вама. К*ааральон*ыльанма нинэлк*ыриригым рыкалыровъёт левмылен*ыт, лымынк*ээн гакан*ыльатк*аат, ченэтк*аат.

Титэръук к*ынвэр иквъи : «Алымы гынинэт ы*ттъыютльэт нык*аагъевк*энат. Ыллён мэкына гэнаглятэгыт. Этъыманы, калеткома гынык левтычыку букват, кэлит нъэлгъэт, ынк*эната лывавыркын ымы чиниткин эквэв гынык к*ача ръилельын льук.

К*ынвэр-ым гакан*ыльатк*аат раймэтын*н*он*ыткы, а*мын к*ылгэлёгыргын.». Ынн*ин ивыплыткук ытлён, к*ол титык гымо к*увликэ вама тычимгъук: » Эплеэн аны мылгэрарылгын*ын н*элвыл».

К*ытлыги, к*эйвэ нылгинутгык*ин рылгык н*элвыл, яалегты к*аагъевыльыт уйн*э нъэлык, рэмкын энарылгата нъэлгъи.

Америкагты акватын*н*ок, гымнан к*ымэглюур, тан*ымыльо номертэ телефонкэнат эрмин, мигчиттумгин лымынкэкинэт левтычыку лыги нинэлгигым, лыгикытэ кэликэл телефонкэн нинэгитэйгым.

Ынн*энрамкэпы курык, к*ымэглюур ченэтракэн, мэгченрынвыкэ-ен номер телефонкэн оракэтъота нинэлгигым.

Ынн*ин вальын Америка, эвыр ыргин рэмкын, о*равэтльат, алымы ыннаны вальыт, ытръэч-ым йилыйил алван* вальын. Ыргынан, гымыкгэтата, к*онпы лыги нэлгыркынэт яатльат, гытамо нэлгыркын нутэнут/ уйн*э вездеходръэттэ/, ымы ымыльо гынникыт, кытвыл вальыт ырыкнутэк, гынрыру гэлгэ, мин*кы аны вэлыткорак, этъыманы, кытвыл тэгъен*у лынъё варкын, гатайн*анма, мынгыквын мэчынкы мыкэльын.
Опопы виин ратан.

Петр Омрынто

Постоянный адрес публикации http://www.chukotken.ru/folk/item49.html

творчество Чукотки




Новости месяца


Пн Вт Ср Чт Пт Сб Вс
1234567
891011121314
15161718192021
22232425262728
293031


Архив новостей


Поиск новостей по дате
- -



главная | форум | фотогалерея Чукотки | Чукотка on-line | Чукотский АО | История Чукотки | туризм на Чукотке | творчество Чукотки | Чукотка. Бизнес | о проекте | карта сайта | 
© 1998-2014
Разработка, программирование 
и поддержка :  Алексей Гурин

При полном или частичном
использовании материалов
ссылка на http://www.chukotken.ru
обязательна!